[123]
hare hielen oock soo wel ghesloten te hebben, op datse niet wederom in t'landt en souden comen, als wy doe de middelen hadden ghevonden om t'landt daer van te suyveren. Oock willen wy ulieden noch meer segghen, ende zijn wel te vreden dat den gantschen Raedt van Spaegnien, jae al de werelt, dit hoore ende verstae. Waert sake dat onse medebroeders van de ordre ende onse medeghenooten van den Rade van State, in haren raedtslaghen liever hadden willen met ons stemmen, dan haer eygen leven soo goede coop wech gheven: soo hadden wy oock mede lijf ende goet by gheset, om den Hertoghe van Alve ende de Spaegniaerts buyten s'landts te houden. Ende wy willen wel darse dit noch daer toe weten, nu alreede eenen goeden deel deser landen van de voorschreven vuylicheyt in dier maten ghesuyvert is, soo datter in den selven gheen ander memorie dan alleene van hare gebeenten en is overghebleven, dat wy ins gelijcks met Godes hulpe, mergaders door toe doen van uwe goerjonsticheyt (de welcke soo wy hopen ons niet en sal begheven ofte ontbreken) noch teghenwoordelick niet eer en ghedencken op te houden noch af te laten, dan wy uit alle onse cracht ende vermoghen sullen alle neersticheyt ghedaen
