[ 124 ]
hebben, om t'gheheele landt in 't ghemeyne van dit ghewormte te reynighen, ende met allen zijnen aenhangeren wederom over t'geberchte te doen passeren, om aldaer hare eygene landen in roere te stellen, ende ons te laten leven in ruste ende vrede van lijf, goet ende conscientien. Derhalven zijnse seere verdoolt, wanende dat wy sfoodanich werck eerst hebben begonnen nae haerlieder vertreck uit dese landen: want wy hadden sulcks al van doe voorgenomen als wy in Vranckrijcke met den Coninne op de jacht, ende sy lieden noch hier in t'lant waren. Ja wy en hadden gheen ruste, eer dat wy doort middel van wijlen Mevrouwe van Savoye oorlof vercreghen, om wederom in dese landen te moghen keeren, op onse trouwe, ende met belofte tot Reyms wederom te verschijnen, teghen dat men aldaer den Coninck Franchoys dies namens den anderen soude croonen. Ende herwaerts over ghecomen zijnde, wy sochten aen, niet die met schulden belast waren of banckerotiers, maer luyden van eeren ende rijck van goede, ja de eerste ende notabelste van den lande, om uit de name van de Stadt te versoecken, dat den Spaegniaerden soude bevolen werden te moeten vertrecken. D'welc ooc eyndelick ward int werck ghestelt: ende
