[126]
vaerlicke ende haeftighe toevallen mét haer brenght, de welcke somtijdts veel swarer om te genesen zijn dan de sieckte selve, alsoo wy 't (eylaes) maer al te veele daghelicks moeten ervaren: Sulcks (segghen wy) siende ende bemerckende, soo ist dat wy, van weghen onses eedts ende plichts daer mede wy den lande verbonden waren, versocht hebben aen mijn Heeren onse medebroeders, Ridders van der ordre, ende aen de voorneemste van den Raedt van State, datse souden willen te Hoochstrate by een vergaderen, om aldaer henlieden te kennen te geven den sorghelicken staet deser landen, zijnde apparent in een inlandtsche oorloghe te vallen: ende dat het oprechte ende eenighe middel was om t'selve te beletten, wylieden, die van weghen onser Staten ende officien groote macht ende auctoriteyt binnen den lande hadden, souden de sake voor de handen nemen, dac om daer în alsulcke ordre ende remedie te stellen als wy tot ruste ende welvaren van den lande souden bevinden te behooren, metgaders voor alle dinghen, ende insonderheyt te verhoeden dat sCardinaels creatuercn die niet en sochten dan bloetverstorten, banninghe, confiscatie van goeden, ende in somma niet dan moordt ende wonden, de handt daer souden eenichsins aen legghen,
