[ 131 ]
verre waft van daer, datse ons wouden ghehoor gheven, datse ter contrarien ghedochten een sonderlinghe ende bequame occasie ghevonden te hebben, om ter executie te stellen t'ghene dat sy langhen tijdt daer te vooren overleyt ende beworpen hadden: te weten, Na datse souden vernielt hebben alle de gene die ghesuspecteert waren van der Religie te wesen, datse daer naer dies te lichtelicker de reste van des landts inghesetenen onder een jammerlicke ende onlijdelicke dienstbaerheyt hadden connen brenghen. Ende niet alleene van onsent weghe, maer oock van veelen anderen worden hen diversche vertooninghen ghedaen soo wel in t'openbare als in t'byfondere, oock van veelen eerlicken luyden, liefhebberen des vaderlandts, jae des Conincks selve, meer dan hy wel verdient hadde: te rechter tijdt ende stede die selve waerschouwende van het toecomende dangier, ende te kennen ghevende wat de Coninck in sulcken ghevalle te doen schuldich ende verplicht was van zijnes eedts weghen, metgaders van weghen der verbintenissen ende conditien, met den welcken hy ende zijne voorsaten voor hem, tot Heeren deser landen aenghenomen zijn geweest. De Grave van Egmond selve werdr in Spaegnien ghesonden, om den Coninck in ey-
