[ 135 ]
le van den genen die ons behoorden te helpen ende voor te staen, ons over d'ander zijde t'onrechten ghelastert ende ghescholden hebben, om dat wy noyt en hebben willen daer toe verwillighen, dat sulcke dinghen sonder voorgaende ordonnantie van de Magiftraten ende overheeren souden gheschieden.
Sy en zijn oock niet veel beter ghefondeert in't'ghene datse segghen, dat de saken door de voorsichticheyt van de Hertoginne van Parma sulcks ghehandelt ende gheremedieert zijn gheweest, dat wy benoodicht zijn gheweest ons te vertrecken uit desen landen. Haddense alsoo gheseyt, door de valscheyt, bedroch ende meyneedicheyt van de voorsz. Hertoginne noch al wat geseyt hebben: soo soudense ofte haddense alsoo ghesproken. Om dat sommighe die eyndelick den beul op haren hals waren verwachtende, soo lancksaem waren om hen selven te connen resolveren, daer toe soo licht om gheloove te gheven: insghelijcks door onse metgaders van sommighe, ander Heeren veel te groote affectie tot den Coninck, die mijne Heeren van Berghen ende van Montigny daer toe brachten, datse nae Spaegnien souden reysen, achtense dat de Coninck van weghen der groote diensten by
