[ 142 ]
neghentheyt in ons en souden ghevoelen: noch soo wijs ende voorsichtich, dat ons niet menichmael een claghelick verlanghens nae onsen sone dus langhe afwesende, in onsen ghemoede en soude te vooren comen. Nochtans sy en houden hen hier mede noch, al niet gherust: maer teghen alle forme van rechte ende van justitie, sy legghen de haat aen onse medebroeders. Ridders van der ordre: sy vervolghen ons by daghementen, opteeckeninge ende aenveerdinghe van onse goeden, ende drijven ons met ghewelde so verre, dat wy bedwonghen werden veel dinghen voor te nemen, daer wy binnen onsen leven noyt aen gedocht en hadden. Sy, stellen t'proces van onse medeghesellen ende het onse (contrarie de artijckelen van de ordre des gulden vlieses, ende teghen s'Conincks eedt, die t'hooft van de voorschreven ordre was) in handen van sommighe ongheachte persoonen, die niet weerdich en waren onser medegenooten ende onse knechts te zijn: sy degraderen ende setten ons af van alle onse staten ende officien: sy benemen ende berooven ons van onse goeden: sy verwijsen ons totter doot. Ende wat is alle t'selve anders, dan datse ons quijtschelden van onsen eedt, ende in onse vryheyt stellen, om te moghen met allerhande mid-
