[ 143 ]
delen ons van Godt verleent onsen vyande gaen bespringen? Daer by can men sien; hoe dat als wy niet dan ruste en sochten; sy de troublen hebben verwect: ende als wy stonden na den vrede, dat sy ons bedwonghen hebben tot den krijch te comen: jae tot sulck eenen krijch die voorgenomen is om onsen sone te verlossen, om ons leven te beschermen, om onse goeden weder te crijghen ende t'ghene dat ons t'liefste ende daer ons, meest aen gheleghen is, ent onse eere te verdedighen: sonder alhier noch yet aen te roeren van t'ghene dat de ghemeyne sake aengaet. Ende dit is t'ghene datse soo lichtelick ende met stilswijghen voorby gaen, mijne Heeren, d'welck sy al willens ende wetens uitlaten, als niet sonderlinghe tot haer sake dienende. So wy dan, niet zijnde s'Conincks ingeboren ondersaet (alsoo by selve segt) daer toe zijnde van onsen eede ontslaghen door dese ongherechte sententie ende verbanninge, oock hebbende so goet recht ende oorsake om onsen sone, metgaders de goeden die ons afgheweldicht zijn met crachtiger handt wederom te eysschen, ons niet alleene hadden ghepoocht, maer oock met der daet alreede hem uit desen Nederlanden metgaders uit allen zijnen anderen landen ende heerlick-
