[ 144 ]
heden verjaecht, ende ons selven die toe te eyghenen ghesocht hadden (nademael dat hy teghen alle recht ende billicheyt, jae tegen zijnen eyghenen eedt, ons heeft benoodicht ende bedwonghen den krijch tegen onsen danck voor te nemen, doe wy uit allen onsen vermogen den selven waren ontvliedende: jae dat meer is, dewijle dat hy ons allen desen overlast ghedaen heeft even op de selvige tijt ofte corts nae dien, dat hy ons by zijne eyghene brieven met zijner eyghener hande gheschreven, soo groot ende heerlick een ghetuyghenis van onse ghetrouwicheyt ghegheven hadde, soo datter gheen mensche ter weerelt en was, die meer hadde connen wenschen ofte begeeren, alsoo 't blijckt by de copie van den brief hier achter by gevoecht:) Wie soude ons connen van eenighe ander faute beschuldigen, dan dat wy te veel tijds hebben laten verloopen eer dat wy de wapenen in handen hebben ghenomen, ende dat wy niet en begheeren te ghenieten van 't ghene dat ons bys krijchs-rechte, oock by de rechten die allen volcken ghemeyn zijn, ghejondt ende ghegheven is? te meer, aenghemerckt dat wy een vry Heer gheboren zijn, ende noch daer en boven dese eere vercreghen hebben, dat wy den name moghen draghen van Prin-
