[ 45 ]
cen absoluyt ende souvereyn, die naest Godt in onsen Vorstendomme gheen overhooft en bekennen, hoe wel dat hem t'felve niet seer verre en is uitstreckende.
Nu aenghemerckt dat haren voorneemsten grondt ende fondement hier in is gheleghen, namelick dat wy souden teghen onsen overheere in wapenen zijn ghecomen: soo zijn wy oock wel te vreden de selve sake ende materie aen te roeren ende te overwegen: in de welcke men bevinden sal, datse even soo wel gesondeert zijn als in alle d'andere. Want voor 't eerste willen wij se vraghen by wat tittel dat de Coninck Philips (die een erfgenaem is van Heyndrick den bastaert van Castilien) t'Coninckrijcke van Castilien ende van Leon is besittende? Want het is claer ende notoyr, dat Heyndric zijn voorsaet een bastaert was, de welcke rebelleerde tegen den den wettelicken erfghename; die zijn eyghen broeder ende Heer was; dien hy oock met eyghener handt heeft om den hals ghebracht. Wat recht hadde dan dese bastaert, oude grootvader van den Coninck, om na de voorschreven Croone te staen? Daer op antwoorden sy, dat Don Pedro zijn broeder een tyran was: ende sy plegen hem selve ghewoonelicke den name van El crudele ofte wreede te gheven. Maer
