[ 146 ]
soo de Coninck Philips by sodanighen tittel is t'Coninckrijcke van Castilien besittende: en siet hy niet dat men hem can even met de selve mate meten, daer hy anderen mede ghemeten heeft? Ende soo noyt wreeder tyran ghevonden en wert die meer des landts privilegien ende met meerder verwaent heyt, ook met minder respect overtreden, ende ghevioleert, jae die met minder schaem te zijnen ghesworenen eedt ende trouwe ghebroken heeft, dan even dese Coninck Philips: is hy dan niet veel onweerdigher de croone van Castilien te draghen, dan. Don Pedro? Want Don Pedro, en was ymmers met gheen bloetschande noch met zijns soons ofte wijfs moort bevleckt. Ende soo yemandt woude segghen, dat ons sulcx niet aen en gaet, soo zijn wy wel te vreden noch naerder te comen: hae wel dat ons voornemen niet en is den voet te vestighen op t'ghene dat wy jeghenwoordelick willen verhalen. Want of wy schoon de wapenen teghen hem ghenomen hadden, ende dat hy sonder eenich uitnemen onse overheere, ende wy zijn ondersaten gheboren waren. (d'welck nochtans soo niet en is volghende zijn eyghen belijdenisse:) Wat souden wy anders ghedaen hebben, dan dat een onder zijn voorsaten teghen den Keyser Adolf van
