[ 157 ]
de tot dien eynde ooc van de voorneemste ende aensienlickste Heeren die in den landen waren, henen ghesonden om aen hem te vertoecken, dat hy ons recht soude willen doen: Soo hy daer en boven den voorschreven Heeren doet dat leven benemen, ende alle de gene die hy crijgen van door des Beuls handen laet pafferen, ende d'andere die hy niet ghecrijghen en can, met alle de wreedtste ende, onbehorlickste middelen is vervolghende: soo hy eyndelick nieuwe heyrcrachten ons daghelicks op den hals sendt, am ons in den grond te bederven ende te vernielen: Sullen wy altoos moeten blijven op haerlieder ghenade wachtende, tot de tijdt toe dat de wreedtheyt van de Spaegniaerden ons alle weghen sal benomen hebben, om slechts den aessem eens te moghen verhalen? Maer sy segghen, dat hy de fauten ghedenckt te repareren, ende dat hy de middelen van dien ghesonden heeft by den Heere van Selles, ja dat hy den Hertoghe van Alva ontkent heeft hem sulcx belast ende bevolen te hebben, als de voorschreven Hertoghe ghedaen heeft. Alle dese dinghen sullen wy op hare behoorlicke plaetse by ordre overweghen: ende voor dese reyse zijn wy te vreden verclaert te hebben, dat wy met goeden rechte teghen hem in wapenen
