[ 166 ]
de veranderinghe die ter causen van de Religie is ghecomen, veel meer een werck Godes, dan der menschen is geweest. Ghy weet hoe dat men ons soo menichmael beschuldicht heeft, dat wy ons veel te slap, bethoonden teghen onse teghenpartije, dat wyse veel verdroeghen, dat wy noch souden oorsake wesen van s'landes verderffenisse, om dat wy so lancksaem daer toe verstaen wouden dat mense soude verjaghen ende uitroeyen: ende als het soo verre quam, dat men hem moeste van sommighen quijte maken, wat neersticheyt dat wy als dan ghedaen hebben, op dat de een by den anderen in vrede mochte blijven leven. Maer soo de Staten, die in den beginne tot s'landts behoudt goet ende nuttelick ghevonden hadden, dat d'een ende d'ander Religie onderhouden soude werden, ende naderhandt door de dertelheyt, slimme practijcken, ende verraderijen van de vyanden, die onder ons ghemenght waren, zijn gheleert ende ghewaerschouwt worden, dat haren staet in ghevaer stondt van tot een uiterfse verderffenisse te comen, ten ware datse d'exercitie van de Roomsche Religie schorsten ende verboden, om dat de ghene die professie van de selve deden, emmers ten minsten de Papen (ghelijckse alomme oock elders doen) eenen an-
