[ 174 ]
hebben. Maer wie heeft hem dat selve gheseyt, dat wy ons maer en gelieten ofne gebaerden? Wie heeft hen no vele van onne secreten gheopenbaert? Sy sien wel: wat wy ghedaen hebben: maer van t'herte, en connen sy niet oordeelen. Jae daer en is ter weerelt gheen mensche soo arch noch soo snoodt (ten waere de ghene die, dit gheschrifte ons gesmeedt heeft, ofte erghens een Spaegniaert) die niet en behoort veel meer uit t'ghene dat hy siet, dan uit het ghene dat hy door archlisticheyt slechts is vermoedende, van yemandts zijn oordeel ofte meyninghe te segghen.
Sy spreken ontallicke veel lasteringhen van onse Religie, ende noemen ons een heretijck. Maer het is alreede soo langhe gheleden, datse voorghenomen hebben te bewijsen dat wy sulcx zijn: ende en hebbent tot noch toe noyt connen volbrenghen. In der voegen, dar dese lasteringhen die slechts țe gelijcken zijn by de woorden van een vrouwe door gramschap verhit wesende, niet weerdich en zijn dat men daer op antwoor de. Ende veel min is te passen op haer bot ende beestachtich seggen, dat wy ons, op gheenen pape noch monick en betrouden, t'en ware dat hy hem hadde ten houwelicke begheven, ende dat wy se qualick trac-
