[ 178 ]
Hertoghe van Alva ontkennen dat hy hem mulcke lamt hadde ghegheven. Ware nu dat niet een goet middel om hem inmghelijcx, van allerhande fauten te ontlader ende van zijn hals af te schudden? Ende haddense ymmers ten minsten tot nae de doodt van desen vyant der gantscher werelt vertoeft. Maer wy gheven hen vry de keuze, datse d'een of d'ander nemen welcke sy liefst souden willen houden staende. Of de Coninck heeft den Hertoghe van Alva sulcks bevolen ghehadt: ende alsoo en can de Coninck den name van eenen tyran niet ontgaen. Ofte hy en heeft het hem niet bevolen: ende den selfden name van tyram blijft hem, om dat hy dien niet gestraft en heeft, die we eyghener macht ende auctoriteyt soodanich een tyrannie over een vry ende vranck volck heeft derven t'onrechten ende met ghewelde ghebruycken. Waer we dan ghenoech blijckt, dat hy in alle manieren selve mede daer aen schuldich is. Maer hoe wel dat wy den Hertoge van Alva altoos ghehouden hebhen voor s'landes openbaer vyandt, ende die hem altijds gheerne in onsen ende ander Christenen bloede ghebaedt hadde, eens Mahometisten herte heymelick ende in den boesem draghende: soo is hy ons nochtans al te wel bekent, door dien dat wy hier voor-
