[ 179 ]
tijts hebben met hem moeten omgaen ende handelen, in der voeghen dat wy niet lichtelick en connen ghelooven, dat hy soo sot ofte so vermeten hadden geweest, dat hy hem hadde derven vervoorderen om soodanich een insettinghe die van soo grooter consequentie was op te legghen, daer toe soo langhen tijdt ende soo stranghe, mẹtgaders door so buyten ordinarise, jae dens lande heel ende al onverdraghelicke middelen die selve te vervolghen sonder seer goet ende uitdruckelick bevel daer van te hebben, niet voor een reyse alleene, maer om t'selve veelmael te continueren. Wy laten ulieden dat bedencken, mijne Heeren, of de ghene die den Borgemeester van Amstelredamme heeft derven op de boete van vijfentwintich duysent guldens wijsen, ofte ymmers ghedooghen, ende jonste dragen den ghenen die sulcks ghewesen hebben, ende dat in den propren ende eyghenen name van den voorschreven Borgemeester, alleene om dat hy hem teghen den thienden penninck ghestelt hadde: of hy niet ghenoechsaem versekert en was ende ontlast van zijnen overheere? Ende ons en ghebrack anders niet, mijne Heeren, dan alleenelick die poinct dat nu verhaelt is, om daer uit te connen bemercken alle t'bedroch, de ge-
