[ 182 ]
gnien ende Sicilien eonder dat hem oyt yemandt van s'Conincks weghen dorste laten sien ofte den cop bieden, om tegen den Turck te ftrijden, ofte ymmers den selven van daer te doen vertrecken ende af te keeren. Doch niet te min, so hem niet meer en was gheleghen aen het alghemeyne welvaren der Christenbeyt (daer op hy noyt niet ghepast en heeft, also t'selve ghenoech is blijckende by zijn gheveynsde ligue ofte verbintenisse, de welcke den Venetianen so diere ghestaen heeft) oft soo verre als hy gheen acht op zijn eyghen eere en wonde nemen: soo behoorde ten minste de ghedachtenisse aen den Keyser Karel zijnen vader, die alle de machtige tochten ende feyten van wapenen, door hem binnen zijnen leven ghedaen, by dese eenighe victorie niet en was achtende, hem te beweghen ende te verwecken tot een cloecke ende manlicke begeerte, om wijselick voor te willen staen ende te behouden t'gene dat de voorschreven Keyser voor hem metgaders voor de gantsche Christenheyt soo dapperlick ende coenlick verworven hadde. Maer dese rasermije ende hardtneckich voornemen om ons in den gront te bederven, vernam hem t'gesichte, om dit quaet niet te sien, metgaders sijn verſtant, om t'selve niet te con-
