[ 189 ]
moetwillicheyt datse over ulieden den meester maeckten. So dan dat waerachtich is, dat men om eens Heeren aert ende natuere wel te leeren kennen, neerstich ondersoecken moet de conditien ende ghesintheyt van sijne vrienden ende van de ghene die daghelicks met hem zijn verkerende: oock dat men den meester wert kennende by sijn dienaers. soo sult ghy mijne Heeren, by de deuchdelicke feyten des Hertoge van Alva (die sijns meesters voorneemste dienaer is, ende sijns Heeren raedtslagen ter execute stelt) seer wel konnen oordeelen, hoe goede jonste ende affectie dat de Coninck ulieden is draghende, die u sulck eenen menich in 't landt heeft ghesonden recht om ulieden te quellen: daer toe wat ghy hier namaels noch van hem te verwachten hebt, ten zy dat ghy by behoorlicke middelen daer in voorsiet also ghy schuldich zijt te doen, ende alsoo al dit goede volck ulieden wel is toe betrouwende ende hem gantschelick daer op verlatende: Wy en willen niet segghen van vercrachten, rantsoeneren ende brandtschatten dat de Spaegniaerden ghebruyckt hebben: maer willen alleene het voorneemste voor de handt nemen ende overweghen, te weten dat ghy noyt en hebt connen een vrye vergaderinghe van de Ge-
