[ 192 ]
te vermetenheyt is. Ja sy waren wel soo onvoorsichtich, dat se sonder eenich achterdencken oock die van de Jesuijten die in sijn landen niet en sijn, ende van de Spaegniaerden nochtans voor so heylige luyden ende goede Catholijcken ghehouden werden, mede daer onder begrepen ende condemneerden: maer dat 't erchste is, haer voornemen was, daer door eenen wech te banen tot een rechte onwetenheyt ende Barbarische verduysteringhe van alle vrije consten ende wetenschap. Want ghelijckerwijs het hanteren ende ommegaen met allerhande gheleerde luyden ons heeft in desen landen veel subtile geesten ende van grooten verstande voortgebracht, die dese landen grootelicks vermaert ende beroemt hebben ghemaeckt: also en conde uit soodanich verbodt anders niet met der tijdt ghevolgen, dan een Turcksche ende grove Barbarische onwetenheyt. Sonder hier by te voeghen, datse door t'selve middel her landt veele swaren ende noyt meer ghehoorden conditien hadden onderworpen. Even op de selve tijt wert oock t'Concilie van Trenten ghepubliceert, d'welck Concilie den Francoysen selve soo onredelick heeft ghedocht, dat het noch tot op deser uren in
