[ 194 ]
Vrye in Vlaenderen was, was, de welcke wert tot twee verscheyden reysen ter banc geleyt om gepijnicht te werden, ten eynde dat hy soude bekennen, wie dat de Heeren in 't voorschreven Vrye waren die van sodanigen advijse hadden geweest, dat men de Inquisitie behoorde goet rondt af te slaen ende te weygeren: sullen sy seggen dat de selve een getuyge is den hoecke gesocht, die nochtans sodanich is datse op hem niet en weten te segghen? Ende soo 't noot ware, men soude noch andere wel soo clare ende blijckelicke bewijsinghen ghenoech connen voortbrengen. Daer naer volchden de placaten die noch rigoreuser waren dan van te voren, met expres bevel, dat men van de oude strafheyt ende rigeur in gheener maniere en soude afgaen noch de selve verlichten. Jae de Bulle selve by den Paus ghesonden om de voorschreven Bisschoppen in te setten, is uitdruckelick, inhoudende, dat een yeghelick Bisschop soude macht hebben negen prebenden in zijnen Domme wech te gheven, ende dat elck van de Canonicken soude ghehouden zijn hem by te staen int feyt van de Inquisitie, ende dat twee namelick onder den selven souden met der daet, des Inquisiteurs ampt ende officie bedienen. Ende ghelijckerwijs als de Princen of
