[ 195 ]
Tyrannen die eenighe nieuwe Coninckrijcken ofte heerlickheden ghewonnen ofte met ghewelde verovert hebben, den selven eenighe schattinghe of tribuye plegen op te legghen tot een teecken ende ghetuyghenis van hare victorię: alsoo heeft oock de Hertoghe van Alva in desen landen ghedaen, in teecken dat hy de selve soude ghewonnen ofte ghe conquesteert hebben (want sulcx, was zijn ghewoonnelicke maniere van spreken, dat dese landen den Coninc toebehoorden niet als zijn vaderlic ende geerft goet, maer als met den wapenen geconquesteert zijnde) heeft hy den selven by zijns meesters bevel opgheleyt den thienden ende den twintichten penninck eeuwelick duyrende, ende: dat sonder toelatinge van de steden ende provintien: jae dat meer is, hy was geresolveert met den zijnen, t'selve met ghewelde te doen executeren, als hem ter ooren comt, dat sommighe dappere ende manlicke herren hen begonsten te roeren in der voeghen dat even op de selfste ure (waer aen ghy, mijne Heeren, de voorsienicheyt Godes oogen, schijnelic cont bemercken) doe hy de tijdinghe creech dat den Briel was inghepomen, hy hadde alreede by hem selven besloten ende geresolveert de voorneemste ende beste borghers van Brussel wel uit ghesocht,
