[ 199 ]
taste beloften van vrientschap ende goede correspondentie onverbrekelick tusschen malcanderen te onderhouden, ende van malcanderen met raedt ende daet by te staen, in de selve begrepen zijn. Dit alles nochtans onaengesien, even de selve die naderhandt wel bethoont hebben de verouderde ende al te diepe inghewortelde snoodtheyt hares herten, hoe wel dat sy mede in 't gheselschap waren van de ghene die om de voorschreven pacificatie te maken met onse deputeerde, ende van die van Hollandt ende Zeelant, waren onderhandelende, dewijle dat sy noch daer mede besich waren, worpen niet te min dwers ende ter zijde allerhande beletsels ende verhinderinghen in den wech, diese slechts conden ghedencken, om de selve te onderdrucken, eer datse ten eynde ofte ten effecte quame te gheraken: d'welck hen oock sonder eenighen wederstandt seer wel hadde geluckt, ten ware datse besorcht hadden in eenich gevaer ofte dangier van hare persoonen om dies willen te vallen; ende ten ware dat het gemeyne volck ende alle de Provintien (de welcke ghevoelden ende langhe daer te vooren voorsien had den dat dese Pacificatie t'fondement harer vryheyt, ende wederkeeringhe van hare oude privilegien was) met eendrachtighe stemmen
