[ 202 ]
wapen ende signet gheseghelt, die ghenoech betuygen wat hy Don Jan belast ende bevolen hadde: de welcke brieven men heeft laten printen ende publiceren, om van alle man gesien ende ghelesen te werden: ende daer en is tot noeh toe geen Spaegniaert soo onbeschraemt geweest, die de selven heeft derven twijfelachtich maken. Door de voorschreven brieven zijn wy gheleert worden, dat alle den onderscheyde die daer was tusschen Don Jan, ende tusschen den Hertoge van Alve ende Loys van Requesens was dese, namelick dat Don Jan veel jongher ende onvoorsichtigher[1] was dan de andere, ende dat hy niet en conde zijn vergift soo langen tijd bergen, noch zijnen last secreet houden ofte veynsen, daer toe zijne handen glinsterende ende brandende van begeerte om de selve in onsen bloede te baden, niet en wiste te bedwingen noch t'onthouden. Van dese brieven, mijne Heeren, en willen wy ulieden geen breeder verhael doen: want het inhoudt der selven oock den aleynen kinderen bekent is, ende alle, de weerelt weet daer af te spreken. Dies niet teghenstaende, ende hoe wel dat sulcx dese vredemakers selve oock ghenoech
- ↑ Vergel. P. BONDAM Oratio Secularis de Fœders Trajectine, p. 52, 53. not.
