[ 205 ]
ghedochten te stellen, ende even de selve tyrannije te bedrijven die de Spaegniaerts gebruyckt hadden, doch (alsoo sy hen selven laten duncken) met meerder macht ende aensien, oock met minder sorghe datse om der selven wille souden ghestraft werden, nademael datse in haren eyghenen lande waren. D'welck genoech sal blijcken indien 't noot is, by de instructien die mede ghegheven worden den ghenen die tot Geertruydenberghe met ons quamen handelen. Ter selven tijt sonden sy aen de Coninginne van Enghelandt, om allerhande valsche dinghen haer te verstaen te gheven, ende de selve te induceren om teghen ons metgaders teghen mijne Heeren de Staten van Hollandt ende Zeelandt de wapenen te doen, nemen: maer de kennisse die sy hadden van de waerheyt, ende haer sonderlinghe verstant ende groote voorsichticheyt daer sy mede begaeft is, deden haer op veel eenen anderen voet resolveren, dan sy wel ghehoopt hadden. Corts, sy deden hen uiterste beste om van nieuws alle de selve practijcken in 't werck te stellen ende aen te rechten, die de Spaegniaerts daer te vooren ghedaen hadden. Daer by can men sien, mijne Heeren, hoe dat sy lieden selfs, in den eersten beginne, hebben de Pacifi-
