[ 212 ]
thoonende, dat sulcx seer lichtelick mochte comen te geschieden, namelick, dat men om vry exercitie van de Religie te hebben, in haren provincien soude aenhouden, ende dat het derhalven veel beter ende raedtsamer hadde gheweest, dat se met eenen voor de onderdanen der provintien, uit der welcker name sy waren contracterende, oock eenighe vryheyt hadden verwillighet: soo wert hem daer op gheantwoordt, dat men voor sodanighe dinghen niet en behoorde besorcht te wesen, ende dat die van Brabandt, Vlaenderen ende andere landen, gheen veranderinghe in den saken van de Religie en souden begeeren. Soo se dan nu hen bedroghen vinden, ofte dat se hare rekeninghe qualick ghemaeckt hadden, waerom comense hen soo onsinnichlick aen onsen persoon adresseren? De selfde antwoorde sal hen dienen nopende de veranderinghe in eenighen fteden van onsen gouvernemente gheschiedt. Want wy connen dat voor Godt met der waerheyt wel segghen, dat wy geen advijs noch verwilliginghe daer toe en hebben ghegheven, oock dat daer veel dincx is ghebeurt daer wy wy gheen behaghen aen en hadden. Ende in Vlaenderen desghelijcken. Maer dat willen wy hen wel houden ftaende, soo in den selven is eenighe dertelheyt ofte in-
