[ 213 ]
solentie van den krijchsvolcke geschiet, dat t'selve al maer roofen en waren, te verghelicken by de onverdraghelicke excessen ende den overlast by hen lieden ghedaen. Ende daer en is ymmers ten minsten gheen onghetrouwicheyt, geen verraderije, noch verstandt met den Spaegniaert over onse zijde gheweest, als men over de vyanden zijde genoech ghesien heeft, want en hebbense niet met ghewapender handt een openbare oorloghe begonnen teghen hare eyghen, trouwe ende belofte, ende hare bondtghenooten comen bespringhen, doe wy op twee dachreysen nae by waren, om onse vyanden te gaen de slacht leveren? En hebbense niet de executie ende her volbrenghen van haer compact dat se t'samen ghemaeckt ende ghesworen hadden om van haren bondts-ghenooten tot den vyandt af te vallen, ter selven tijdt aldermeest vervolcht, tewijle dat de goede stadt van Maestricht beleghert was? Soude men oock ter weerelt een leelicker acte connen ghedencken dan dese is, namelick, als ghy ulieden ganschelick betroudeţ op 't krijchs-volck van uwe bond-ghenooten, hopende daer mede die vrome stadt te ontsetten, met de welcke sy selve een verbondt ghemaeckt ende dat met den eede bevesticht hadden, ja van de welcke sy in gheener
