[ 225 ]
ve onaenghelien nu teghen ons den krijch voeren, den rechten ende wel verdienden loon harer snoodtheyt gheven, alsoose alreede Godes wraecke zijn ghevoelende, diese met een gheduerige onruste ende beroerte hares gheests ende ghemoedts is vervolghende.
Nu soo veele als belanght de negotiatie van den Heere van Selles, de welcke is bekent worden, als yol bedrochs ende gheveyntheyt wesende, dese beschuldinghe is haer addresserende ende tegen ulieden, mijne Heeren, die soo, wijselick zijne listen ontdeckt hebt, ende hem te verstaen ghegheven, dat de ghene die Spaegnien niet ghesien hebben, daerom gheen beesten en zijn, als hy ende zijns ghelijcke gedencken. Wy bekennen dat wy van den selven advijse oock zijn gheweest ghelijck als ghy lieden, namelick, dat men hem niet meer gheloofs en behoorde te geven dan eenen bedriegher, ende die als een instrument slechts daerom uitgesocht was om alle dinghen in verwerringhe teghen malcanderen te stellen. Om t'welcke van hem te ghelooven ons niemant meerder oorsaken en heeft ghegheyen, dan hy selve. Want t'ghene dat hy tot ons seyde, dat wy soo wel in de gratie van den Coninck stonden, dat daer ooc herwaerts-over gheen Heere en was en was, van den
