[ 233 ]
ben, hoe dat sommighe eergierighe hoofden, die naderhandt van ons afghevallen ende geweken zijn, hen selven hebben willen vervoorderen ende poogen de gouvernementen ende meeste officien van den lande aen hen te trecken, om haer vaderlant daer naer te gaen verlaten, ende haren eedt valschelick te breken: ja so wy hare lichtveerdicheyt, ydelheyt ende onghestadicheyt, metgaders hare sinnen ende ghemoet heel ende al na de tyrannije staende, wel van te vooren gekent hebben, ende den selven uit, dier oorsaken gheen jonste in't ghene datse begeerden, hebben willen toedraghen (door welcke middel den besten ende meesten deel van den staet ende wesen onser gemeyne regeeringhe tot noch toe gheheel ende ongheschent is ghebleven) wy en hebben daerom den Edeldom niet ghehaet noch veracht: maer wy hebben met goeden rijpen rade willen te vooren comen des lands uiterste verderffenisse die uit haren aenslaghen gheschapen was te volgen. Waert sake dat hare vaders die veel wijser jae veel cloecker ende vromer waren dan sy en zijn, ende met den welcken wy soo goede vrientschap altijt onderhouden hebben, tot op deser ure noch by leven waren: sy souden ontwijffelick van onghenoechte sterven, siende sodanighe kinde-
