[ 234 ]
die in den minsten niet en zijn aerdende na de stantvasticheyt ende het deuchdelick gemoet harer voorvaderen, die daer soo eerlick ende onstraffelick altijdt gheleeft hebben: oock siende dat huydensdachs gheen landen en zijn, in den welcken sy niet voor ongestadige luyden ende groote coopluyden ghehouden werden: selfs siende, hoe dat de Spaegniaerts den welcken sy als slaven zijn dienende, metgaders de Cardinael die de standaert is rontsom den welcken haren molen is draeyende, met henlieden, gelijck als met eenen top of caetsbal spelen, ende als met kinderen omme gaen, jae by de neuse om voeren ende leyden gelijck men de beesten doet, ende met schoone woorden soo langhe ophouden, tot dat het eens sal pas gheven zijn beelden, instrumenten, tapisserijen ende anderen huysraet ende meublen diese hem gestolen hebben wederom te eysschen ende te begeeren: ende tot dat se sullen wel te lijve ende vet ghenoech zijn om op de vleesch-banck gheleght te werden: alsoo 't blijckt by s'Cardinaels eyghene brieven, die met zijn eyghen handt gheschreven waren, ende die ghy, mijne Heere, selve ghesien ende wel bekent hebt.
Soo nu onse vyandt, even als of hy hem niet ghenoech en betroude op zijn eyghen
