[ 235 ]
auctoriteyt ende aensien, maer twijfelde dat het gewicht van zijn groote tittelen niet en soude swaer ghenoech zijn om ons te verdrucken, noch daer en boven der Keys. Mt. ende sommigher gheestelicker Keurvorsten macht ende auctoriteyt comt daer by te vervoeghen, segghende, datse souden gheresolveert ende ghedecreteert hebben seker puncten ende artijckelen die soo billich, gracelick ende redelick waren, dat alle luyden van goede oordeele ende verstande kennen ende belijden de selve suffisant ende ghenoechsaem gheweest zijn: hy en hadde met eenen woorde niet connen in beter tale recht uit seggen, dat ghy lieden, mijne Heeren, metgaders alle de inwoonders van dese landen, die met eendrachtigen stemmen de voorschreven artijckélen als impertinent, bedriegelick in woorden, ende gantsch onredelic zijnde, verworpen hebt, sonder redene' ende verstant, ja van sinnen berooft zijt. Maer wien sullen sy dat wijs maken, dat een volck met soo lange ende gheduerige oorloghen gequelt, die niet en connen wesen sonder hondert duysent inconvenienten, soude eenen vrede gaen verwerpen, soo de selve eenichsins redelick ware? Ogte dat so goede jaal te goede ende veel te geduldige onderdanen hen weygeren souden met
