[ 236 ]
haren overheere te veraccorderen ende te verdraghen: ten ware, datse saghen, dat sulck verdrach, anders niet en is dan een aes om de luyden beter daer mede te betrappen, ende dat sodanigen vrede erger is dan de oorloghe selve: jae dat het soet honich eener tonghe meer te beduchten is dan eenighe scherpe ofte ghestaelde sweerden. De Keyserl. M. mach moghelick gedencken, dewijle dat sodanighen staet ende conditie in zijnen eyghenen erf-landen bequame ende duchtich is, dat hy daerom in desen landen oock wel soude dienen. De selve Keyserl. M. zijnde van den staet ende gheleghentheyt onser saken alvooren gheinformeert ende bericht door onse vyanden, ende door de verraders die onder ons waren, metgaders door de ghene die onder t'decksel dat se nae Coelen ghesonden ende ghedepareert waren, sochten uwe saken in den grondt te verderven: berichtet de ander Vorsten van ghelijcken, de welcke het soo laten daer by berusten, achtende dat alles wat van so danighe stede of plaetse coemt, van Godt selve geopenbaert ende ghesproken is. Maer ghy lieden, mijne Heeren, die den rechten grondt van den staet deser landen, metgaders de gheleghentheyt ofte ongheleghentheyt, oock de waerachaighe redenen ende
