[ 238 ]
schreven artijckelen langhen tijdt achter ghehouden ende ghesupprimeert zijn gheweest, daer in behoorde men uwe ghedult ende goedertierenheyt veel meer te loven, dat ghy niet en hebt terstont laten straffen anderen tot een exempel, de gene die so stout ende vermeten hebben geweest, dat se die artijckelen sonder uwen voorgaenden wille ofte consent ghepubliceert hebben. Ende ter contrarien, so verre is het van daerdat men gevreest heeft datse souden ghecommuniceert werden, ofte onder den gemeynen man camen, dat men se heeft selve laten in printe uitgaen met byghevoechder verclaringhe van de nulliteyt der selven. Ja de voorschreven artijckelen hebben over al ghesonden geweest in alle provintien ende steden, om den selven ghetoont ende voorghehouden te werden, ten eynde men mochte een ghemeyn advijs ende resolutie van allen den selven vercrijghen, alsoo oock de voorschreven advijsen ulieden eendrachtichlick zijn weder overghedraghen worden. Maer het schilt veele, wanneer een dinck gecommuniceert wert by ordre, by wege van rechte, ende met macht ende authoriteyt van de ghene die sulcx vermoghen te doen: ofte wanneer seker cleyne bespieders hier ende daer in 't heymelicke onder den ghe-
