[ 239 ]
meynen man gaen boecxkens uitstroyen, selfs wanneer eenen deel van de ghene die van hier nae Coelen als ghedeputeerde gesonden waren, heymelick onder t'volck laten saeyen t'gene dat se met den vyande in 't besondere ghehandelt hebben, aen den welcken sy ulieden, metgaders haer eyghen vaderlandt waren verradende: soot claer ghenoech blijckt by hare eygen brieven: Waer van wy hier niet breeder en willen spreken, dewijle dat t'selve alles door den druck claerlick aen den dach, ende in d'ooghen van eenen yeghelicken is.
Sy vinden uit der maten quaet de versamelinghe, ende vergaderinghe van de ghedeputeerde van ettelicke steden ende landen binnen der Stadt Utrecht om aldaer een nieuwe confederatie ende verbintenisse te ramen ende te sluyten, &c. Maer uit wat oorsaken? Om datse voor quaet houden alle t'ghene dat ons lieden goet is, ende rekenen tot harer schade ende verderffenis te dienen t'ghene dat ons lieder behoudt ende welvaert is. Sy hadden alle hare hope ghestelt op onse oneenicheyt: sy hadden alreede sommighe provintien ghepractiseert ende over hare zijde ghebracht, die even soo veel verscheyden raetslaghen hebben ghehadt als daer maenden in 't jaer zijn: oock haddense
