[ 245 ]
ende uitgedreven hebben. Ghy weet seer wel, mijne Heeren, dat t'selve niet warachtich en is. Maer achter dat haer hooftman, die doe ter tijt binnen Groeninghen lach, hadde binnen der selve stede doen vanghen ende spannen alle die van de Religie, sommighe oock vermoort, jae den Borgemeester selve, ende dit alles teghen zijnen eedt, hebbende daer te vooren den Religions vrede aldaer ingheleyt ende gesworen, hebbende oock opentlick ende met solemnelen eede, metgaders met zijn eyghen hand-teeckeninghe de Unie van Utrecht bevesticht: wie isser die vremt can vinden, dat die van onse zijde als dan oock ghesocht hebben hen selven te versekeren: insonderheyt als se sagen de vyanden, sonder eenich aenschou te nemen op haren eedt ende den name Godes, dien sy daer toe ghebruyckt hadden, onder de voeten tredende, tot een eeuwich verwijt voor hen selven ende haer gantsch gedachte; sehenden ende verbreken alle t'ghene datter inde weerelt van gherechticheyt ende billicheyt noch was overghebleven?[1] Emmers en sal men ons lieden sulcx niet connen verwijte, dat gheduerende dusdanighe troublen door onse vyanden selve aengherecht die van onse zijde oyt souden tot
- ↑ Vergelyk P. HONDAM Orat. Sec, p. 117, 118. not.
