[ 246 ]
dese alderhoochste snootheyt ende ongherechticheyt zijn ghecomen, dat sy souden begheert hebben hare handen te baden in bloet van hare bondt-genooten, ende van de ghene die hen selven op hare trouwe waren verlatende ende versekerende, d'welck ha te voorneemste hoofden oock met eyghener handt wel hebben ghedaen.
Aengaende datse seggen, dat wy sulce ghehandelt hebben metten Heeren ende principalen Adel van dese landen, datse bedwongen zijn gheweest sich te vertrecken, ende hen vaderlands te verlaten ende te abandonneren: wie isser die daer slechts eenen heeft verjaecht? Maer so de vreese onde het verschricken van haer eyghen conscientle ende gevoelen, hen van binnen vervolcht hebben, ende als helsche boose geesten so ghequelt, datse zijn bedwongen geweest van selfs van d'een plaetse tot d'ander te verloopen: wien moet men daer van anders de schuldt geven, dan even hen selven, die met sulcker ontrouwe hebben de verderffenisse hares eygenen vaderlants berokt ende te wege gebracht? Ende oft Godt so belieft hadde, datse de dore wat eer hadden connen vinden, ja dat de gene die daer noch onder ons blijven, zijnde met ghelijcker rasernije ende onsinnicheyt bevan-
