[ 247 ]
gen, hen souden cort op den hielen na treden, sy souden ons van groote anxt ende sorge ontheffen, metgaders de gantsche gemeynte bevrijden ende ontledigen van de vreese die se heeft, dat hen noch mochte eens ghelucken hare schadelicke aenslaghen ter executie te stellen.
Het is oock lachens weerdt; datse ons noemen eenen hypocrijt, die nochtans ons selven noyt tegen hen geveynst ofte gedissimuleert hebben. Want als wy se noch hielden voor vrienden, wy hebben hen te voren geleyt ende ghewaerschout, dat se de coorde omdraeyden van haer eyghen verderffenisse, om datse den wegh van die wreede ende barbarische vervolginge waren nemende. Ende ten ware dat hare uitsinnicheyt ende eygen passien, die se in geener maniere en wisten te matigen ofte te beddwingen, metgaders een verachtinge van ons lieder ghedaen hadde, hen belettende onsen raedt te volgen, sy en souden so verre niet zijn ghecomen als se hen selven nu bevinden. Daer naer zijnde om uwer vryheyt wille hare vyanden worden, noch en connen wy niet weten noch verstaen wat hypocrisie datse aen ons gemerckt hebben teh zy datse hypocrisie willen heeten, dat wy openbare oorloge tegen hen voeren, dat
