[ 252 ]
redene, volghende daer in't'exempel van de goede veldt-oversten die van hare beste crijchsluyden plegen in de leste rijen te stellen? also doen oock dese geleerde ende welgheoeffende luyden, ende willen ons in 't eynde met de swaerheyt van een so groot ende leelick verwijt heel ende al ter nederdrucken ende overvallen, segghende, dat men ons versocht heeft ende presentasien gedaen tot onsen grooten voordeele, op dat wy ons souden willen vertrecken ter plaetsen van onsen gheboorte, (al daer een yeghelick behoort uit der natueren aldermeest begheeren zijn leven over te brengen) ende dat wy daer toe niet en hebben willen verstaen. Wat haddense doch meer tot onsen voordeele moghen segghen, than t'ghene dat nu verhaelt is? Daerom, mijne Heeren, wil doch hare dwaesheyt metgaders hare onbeschaemtheyt wel bemercken. Want sy moeten een van beyden bekennen, of datse sonder sehaemte spreken als se dit seggen ofte datse onvoorsichtich zijn door dien datse ons gaen loven daer sy ons gedencken te schelden. Het is seer aenghenaeme, ende het wert van eenen yeghelicken begheert, te mogen zijn leven gerustelick in zijn eyghen vaderlant overbrengen. Waerom treckt dan dit vervloeckt
