[ 261 ]
ghelooft (hoewel dat veele ander meer hen insghelijcx berooft vinden) datse sullen suerder hebben moeten beceopen.
Hij belooft te doen gheven ende furnieren voor den ghenen die ons sal overleveren in zijn wreede handen door oft levende, oft die ons selfs van den leven berooven sal, daer toe voor zijne erfghenamen in gronden van erve ofte ghereede penninghen't'sijner keuse ende optie de somme van vijf en twintich duysent gouden Croonen: Maer hoe wel dat hy tot op dese stonde sulcx noyt en heeft doen publiceren, meynt hy dat wy daerom niet en weten hoe menichmael dat hy ende de zijne met den ghenen die ghelt pleghen te nemen om yemande doot te slaen ofte te vergheven, den coop ghemaeckt heeft, om ons dat leven te benemen? Ende also ons Godt de genade heeft bewesen, dat wy ons daer voor hebben connen verhoeden, noyt van te vooren gewaerschout zijnde: so hopen wy insgelijcken, dat hy ons teghenwoordelick niet minder jonste en sal bethoonen, na dat wy nu de wete hebben: maer ter contrarien dewijle dat wy nu veel meer zijn veroorsaeckt om naerder op ons selven acht te nemen, dat hy sal oock veel luyden van eenen verwee-
