[ 264 ]
meeste misdaet wert gehouden) of hy van d'Inquisitie hadde qualick ghesproken? Sou de hem sulcx oock wel quijt ghescholde ende vergheven werden? Doch nademael dar onse vyandt hem selven dus verre heeft willen vergheten, dat hy ons aen lijf, eere ende goet heeft aengetast, metgaders t'selve laten de geheele werelt over, ende in soo veel spraken publiceren? ten eynde hy dies te meer getuygen van zijner ongerechticheyt ende onvoorsichtichey soude hebben: soo en hadden wy tot onsen meesten voordeele niet connen wenschen, dat hy zijnen Ban met andere cieraten soude verrijcken ende verschoonen, dan met dese, te weten, dat hy belooft edel te maken niet alleene gantsch ongeachte ende eerloose luyden, maer oock de aldersnoodtste schelmen ende boos wichten van der weerelt, soo verre als se ons conden om den hals brenghen, metgaders een so uiynemelicke ende grootmoedige deucht so eerlic te vergelden ende te beloonen. Want wat hadde hy connen uitsoecken dat beter dienen mochte, om de waerheyt van onse ontschuldt te bevestigen, dan dat hy door sodanige middelen wil uitroeyen, metgaders door tyrannije ende vergiften, door quijtschelden van de allerleelicksle feyten, ende schelmen tot Edel-luyden te maken, den ghenen
