[ 269 ]
herte is) als we dese onse verantwoordinghe ten vollen sult bericht werden, wat hare jammerlicke ende schadelicke aenslaghen zijn: ende uit de kennisse ende wetenschap der selven sult ghy leeren, waer op het nootwendich is dat ghy d'ooge meest hebben, ende neerstelick toe verstaen moet: Namelick, dat sy alle hope verloren hebben van ulieden met gewelde te mogen overwinnen, ende soecken daerom oneenicheyt ende tweedracht onder ons te saeyen, in den eersten ende voer al grootelicx roemende de ghene ale niet alleene ons tegen haren eedt, maer ooc in den noot ende in den sorgelicksten ijds verlaten hebben, te wijle dat eene van onse steden belegert was, van de welcke sy geen clachte ter weerelt en souden weten te doen, noch haren ghewoonelicken schijn of decksel by te brengen: jae dat alle ander onghetrouwicheyt noch te boven gaet, die ter selven tijdt op veel andere plaetsen ende steden ons quamen bespringhen ende overvallen.
De dreyghementen by desen Ban ghevoecht, en dienen nerghens anders toe dan om ulieden verbaest te maken, ende alsoo te bewegen om u van ons af te sonderen, hen allesins ghelatende al of sy dese oorloghe alleenelick teghen onsen persoon, ende niet
