Antwoort: dat wij Hollanders waren en van Coree quamen.
2.
- Hoe wij daer gecomen waren, en met wat schip.
dat wij Ao 1653 den 16en Augustij 't jacht de Sperwer, door een storm die vijf dagen duerde, hadden verlooren.
3.
- Waer dat wij 't schip hadden verlooren, hoe veel man en geschut op hadden.
Op t eijland bij ons Quelpaert en bij die van Coree Chesu genaemt, hadden op gehadt 64 man, met 30 stucken.
4.
- Hoeveel 't Quelpaerts eijlant van 't vaste lant afleijt ende de gelegentheijt van dien.
Leijt omtrent 10 a 12 mijl om de Zuijd van 't vaste land. Is seer volcqrijck ende vruchtbaer, groot int rond 15 mijlen.
5.
- Waer dat wij met 't schip van daen quamen, en of wij ergens aangeweest waren.
Dat wij den 18en Junij A{[sup|o}} voorsz, van Batavia naer Taijouan gedestineert waren, op hebbende d'hr Caser om aldaer als gouverneur d'heer Verburgh te verlossen.
6.
- Wat onse ladinge was ende waer met d'selve naer toe wilde ende wie doen alhier opperhooft was.
Dat wij van Taijouan quamen ende na Japan wilde, dat wij met harte vellen, suijcker, aluijn en andere goederen geladen waren, dat d'hr Coijet als doen regeerende opperhooft was.
7.
- Waer 't volcq, goederen en geschut was gebleven.
Datter 28 man was gebleven, de goederen en geschut verlooren, dat naderhant van haer nog eenige stucken waren opgevist van weijnigh inportantie ende den ommegangh van d'selve sij niet en wisten.
8.
- Naer t verlies van 't schip wat sij ons deden.
Antwoort, setten ons in een gevangen huijs, deden ons niet dan alles 42 goets, gaven ons eten en drincken.
9.
- Of wij eenige last hadden om d'Chineesen ende andere joncken te nemen ofte op de Chineese cust te rooven.
