6
zijn ghecomen van Gosenbeug, ende hebben die Cosagghen overvallen, ende daer onder geschoten, soo datter 5. vande Cosagghen doot bleven, ende namender 18. ghevanghen, ende na Crembs gebracht, wat datmer mede doen sal, wilt ons den tijt leeren.
Hier aen dese stadt wordt daeghelijckx sterck gewerckt aen de Bolwercken, ende Vesten, men heeft hier rondtomme de stadt 300. voeten lanc ende breet de Hoven, ende Speelhuysen af ghebroken tot versterckinghe van de Stadt.
Die over Enserische ghesanten zijn noch hier, ende hebben 2. mael Audiencie ghehadt, ende hebben dese weke een dekreet vant Hoff ghecregen, om haer goetduncken te verclaren, om de Erfhuldinge te doen.
Den Grave van Bucquoy leyt noch met zijn volc tot Langenlois, ende verwacht van hier 12. groote Metalen stucken, met andere Ammonitie, de welcke hier wt ghevoert sullen worden, het welcke alles ghereet is om in de schepen te doen laden.
Wt Preslauw van 8. April 1620.
Wt Polen verstaetmen dat den Furst Coretzki eenighe duysenden Wolarmirtes volck by hem heeft, de welcke men vermeynt naer den Keyser te seynden, ende dat in Polen eenen nieuwen Rokoschi zijn sal, ende daer zijn by Polen op de Frontieren gecomen veertich duysent Tartaren, de welcke in Podolien
