7
ligghen. De Gheestelijckheyt moeten een geweldighe groote somme ghelts op brenghen tot Defensie vanden Lande.
Ende den 8. deser zijnder in Polen placcaten over allen t’Landt ghepubliceert, dat een yeghelijck (die een veertel meel doet malen moet geven 2. Kretserz, ende van een malter 24. Kretsers tot Defensie van’t Landt. Ende in desen ganschen Lantschappe is den 20. man ghemonsert die den meestendeel gheschickt sullen worden op de Frontieren van Polen.
Wt Weenen in Oosten-rijck. 1620.
Alsoo men verstaet dat den Turck groote gereetschappe maeckt, ende volck by den anderen heeft ontrent 2. hondert duysent mannen, ende men niet en weet op wat Quartier hy sal mogen zijnen inval doen, soo heeft hy nochtans over eenighe maenden allen de steenen ende houten Brugghen in Hungharijen doen versien, ende noch eens soo sterck ende breet doen maken, soo wel over de Donauwe als andere plaetsen, principalijc tot Pesth, Offen, Buda ende Strigonium, ende andere plaetsen, al waer hy oock (soo men seght) over alle heeft doen maken veel duysenden hovens, ende doen backen dach ende nacht menichte duysenden veertelen Bosschuyt, ende doet de Granen over al op coopen inden Lande, die hy can becomen, waer in vele menschen verwondert
