7
ghehadt, ende hebben zijne Excellentie grootelijcken bedanckt vande eerbiedinghe, ende versochten waert dat zijne Excellentie beliefden, datse wel souden begheren, waert moghelijcken dat den Tocht wijt van de stadts Frontieren soude marcheren.
Ter middeler tijdt, soo dede den Marquis op den 26. acht duysent mannen vant Legher Cito, marcheren naer Mentz de welcke daer arriveerden, ende den Hooftlegher vanden Marquis was alreede tot op neghen mijlen nae by Franckfort comen.
Des Protestanten legher dit verstaende, zijn den 28. van Franckfort opghebroken ende hun plaetsen verlaten, zijn wederom ghetrocken naer Oppenheim daer sy te voren gheleghen hebben, sy waren moede en madt, t’is te beduchten dat den Marquis Spinola met zijn subtijlheydt ende loos-heydt haer bedrieghen sal, want hy naerdert alleneen, dan doet hy hier een partije volckx marcheren, dan wederom daer, de Protestanten en weten niet waer zijt hebben, gheen mensche en can weten waer op het noch ghedijen sal.
Dit is t’principaelste datter ghepasseert is, met den eersten salmen den Legher verclaren vande andere Leghers in Duytslant.
FINIS.
