7
Erf-Vorst niet langher ghehouden te patienteren, ende dese onbehoorlijcke rebellie ende ghewelt te ver draghen, sullen nochtans voor gheexcuseert houden allen de ghene die vande Rebellen ghedwongen zijn als oock die voor desen teghens hunne natuerlijcke Lant-Vorsten noyt rebel ghevallen en zijn.
Soo hebben wy voor goet ghevonden, te ordineren, den Hertoghe van Beyeren, onsen lieven Neve, ende Vorstelijcke L. wt sonderlingh vertrouwen, ende L. tot zijnder L. ende andere beweghelijcke oorsaecken, als Commissarien ende vol machtighen, soo wel om elck een te muytineren, ende institutie te doene teghen de rebellen van ons, ende onsen huyse (noch tans met onsen wete, wille, ende consente) hem vermaenende tot milde ende goede ghenaden, soo verre wy bevinden sullen, eenighe plaetse te hebben. Ghebieden daeromme alle, ende eenen yeghelijcken de Staten ende Ondersaten van onsen landen des Hertochdoms van Oostenrijck, ende op der Ens, dat zylieden sullen ghehouden wesen, het ghebot van den voorsz onsen zeer Lieuen Neve den Hertoch van Beyeren, zijne Ordonnantien, ende Bevel ghehoorsaem te wesen, ende hun eyghen profijt ende welvaert gade te slaen, ende hun vande ongheruste ende Rebellische lieden niet meer verbeyden en laeten, maer ter contrarien onse ghenadighe Ordonnantie, ende Hooch ghedachter onsen Neve ende Commissarien, den Hertoche van Beyeren ghehoorsaem te wesen, als oock de ghene die S. L. sullen verordineren onse Landt-Vorstelijcke Residentie tot Lints ouer te leveren, als oock, de openinghe vande passagien te water ende te Lande, ende t’ghene ghylieden van onsen Landen ende Steden af ghenomen hebt wederomme te restitueren, uwe Seghelen vande verbintenissen ende conspiratien af te doene, ende casseren, ende aen onsen Commissario ouer te leveren, ende alle verbintenissen binnen ende buyten het Rijck
