7
Wy verstaen alhier dat den Hertoghe van Saxen heeft innegenomen Bautzen, die principaelste stadt van Lusatia, ende dat hy nv recht treckt naer prage. Men verwacht oock noch ghroodt volck vanden Eertz-Hertoghe Leopoldus.
VVt Antwerpen.
Alhier zijn sekere Auisen comen, dat die Vlote van West-Indien, ende oock van Oost-Indien nv zijn in Saluo.Mijn Heere de la Motterie, Gouverneur van Maestricht, treckt op naer Duytslant met acht duysent mannen.
Wt Milanen 4 Octobris.
Alsoo die van Berne, Zurich, ende andere Calvinische Cantons, gheassisteert met het gelt der Venetianen, waren ghevallen met ettelijcke duysent mannen in Valtellina, soo is Octauio Cuſtodi Commissaris Generael vande Cauaillerie, met 300. peerden ende 1500. Infanterie, ghevallen op den vijant, ende heefter deerst 800. ende daer nae noch 1500. verslaghen. Boven den buet die seer groot is gheweest, hebben wy noch ghenomen vanden vyant ontrent 60 oft 70. duysent Guldens in contant Gelt. De reste van den vyant is naer Bormio de bergen op geloopen: alwaerder vele van miserie zijn ghestoruen, daer anders niet dan cruyt vindende: soo dat nu in dese
