7
Soo ist hoort dit gheschal, met die Munters oock gheschiet
Als daer een groot ghetal, van vals gelt was gheriet
Om soo te senden voort, in al Europa parcken
Haer valscheyt is ghehoort, het was daer al vant varken
Met eenen loosen vondt, was daer terstont ghebooden
Als dat men oock terstondt, die twee souden doen dooden
Is dit nu recht ghedaen, aen haer ghetrouwe vrienden
Die altijdt op die baen, ghetrouwelijck haer dienden
Het is voorwaer gheen recht, van dese Generasy
Maer zijt ghy noch soo slecht, het is Predestinasy
Al doet men sooveel goet, als al die Enghels schaeren
Sy segghen dat men moet, ter hellen henne vaeren
Al doet een al het quaet, van Adams tijdt bedreuen
Hy sal in hooghen staet, hier bouen zijn verheuen
Die valssche Rechters snoodt, in Hollant triompheeren
Die vroomen gaen ter doodt, die boosen die braveeren
Al doen sy nu haer wil, haer tijdt sal oock eens comen
Int eynde van het spel, soo salmen sien haer dromen
Wy bidden v o Godt, laet ons victorij haelen
Als het onsalich lodt, beneden sal gaen daelen.
FINIS.
