6
traordinaris Courrier van Polen die waerachtighe Tijdinghe aen de Keyserlijcke Majesteydt is brenghende, hoe dat die van Moldauien ende Walachien hun begeven hebben tot deuotie vanden Coninc van Polen, noch oock den Schandar Bassa door middelen ende toedoen van eenen Gaspar Gratiaen die Catholicq is, ende Present Hertoghe van Moldauien, soo heeft den voorschreuen Bassa den Naem des Christelijcken Gheloofs aenveert, ende hebben onder malcanderen, te weten, den Hertoge Caspar Gratiano, ende der Moldawer Fursten, ende den voorsz. Bassa eene heymelijcke Intelligentie met den Coninck van Polen, ende Pollacken, voorghenomen teghen den Turck, alst nv blijckt, waer ouer op den seluen voet 40. duysendt Cosacken in Turckijen gheuallen zijn de welcke extraordinaris groote schaede zijn doende, want den Turck tot Constantinopelen hadde den Coninck van Polen een openbare Oorloghe verclaert, door Jalousie die van polen des Keyser assisteerden teghen Bethlehem Gabor, ende Rebellen van Bohemen.
Want op den 12. Augusti lestleden, soo waren de Tartaren, ende Turcken, op den middach den pollacker int Lant ghevallen, soo het volck besich was int veldt met den Ooghst, ende datse costen berennen namense ghevanghen, ende dreven de Christenen so
