11
van Don Loys dat sy den 15. tot Couelents sullen wesen, ende soo haest wy seecker hebben, datse daer zijn, soo wilt den Marquis haer gaen besoecken, by de stadt Worms, oft sal moghelijck yet ander doen. Voorders en wete ic v.l. niet anders te schrijven dan dat hier tijdinghe ghekomen is dat den Keyser, al len de Leen-Heeren, die den Pfalts-Graef assisteren in den Ban ghedaen heeft.
Voorts is hier tijdinghe, dat den Marquis eenen brief ontfanghen heeft van den Graef van Bucquoy by Praghe den 11. October, dat den Graef van Bucquoy wel ses oft seuen steden in ghenomen heefdt in Bohemen, ende in twee steden die hy in ghenomen heefdt, allen de Soldaten doodt gheslaghen heeft, in d’eene waren 300. mannen, in d’andere 3000. in een Stadt daer Graef van Bucquoy parlementeerden, daer quam Hertoch van Beyers volck, die beclommen de Stadt van achter, ende sy smetent al doot, ende pilleerden de stadt. Daer leyt noch een stadt een Duytsche mijle van Praghe, die soo groot is als Mechelen, maer en is soo sterck niet, sy en heeft geen Wallen, ende is ront, soo verhoopt men oft en weetmen anders niet oft ten sal in Bohemen haest gedaen zijn, met de hulpe Godts, soo dat den Somer Coninck haest sal wt zijn Rijck zijn. Voorders den Hertoch van Saxen heeft oock een Stadt met zijnen Leger
