4
Ordre te hebben van zijn Exc. Spinola, ende daer comende, soo was den Marquis Spinola al wech, ende den Cappiteyn Godevaert Anthonissen wederom comende soo hy mijn Heere den Admirael Rolle dat adverteerden soo moest hy oock terstont met vier Compagnien van de Bootz-ghesellen vertrecken, want den Admirael Rolle middeler tijdt Ordre ghekreghen hadde dat de Bootsghesellen terstont souden vertrecken.
Daer trocken vier Compagnien Boots-ghesellen mede op, om t’gheschut in eenighe quade laghen te helpen voorderen, de eene Compagnie was van Capiteyn Jacob Janssen, d’andere Fop Janssen, de derde Herman Pauwels, ende de vierde Compagnie was van Godevaert Anthennissen, de Boots-ghesellen vonden den Marquis noch buyten de stadt Oppenheym met den gheheelen Legher alles by een, op een groote plaetse daer stondense met 12. stucken Gheschuts, met allen de wagens ende Vivres, met de wagens met Gheldt, met allen de Bogagie waghens, ende den gheheelen Legher moest mede.
Sijn Exc. Marquis Spinola die creech sauonts ten thien uren (wesende den 13. October) de Tijdinghe dat den heelen Legher van Ghevnieerde Vorsten was voor de stadt Worms op ghebroken, des sauonts ten ses uren, ende datse trocken naer Alt-
