8
occasie ons Cappiteynen van peerden hun kloeckelijk droeghen, om de Furie meer aen te nemen, soo Graef Hendrick van Nassouwen die retireerden al achterwaerts, wy schoten met ses halue Kartouwen onder haerlieden, soo datmender onder haer peerden sommighe sach doot vallen, ende int schermutseeren hadden sy van Graeff Hendrick vanden Berghe ooc twee peerden gheschoten met eenen man. Ende om hen meer te provokeren tot Bataille, soo lach daer een Dorp beneden in een Dal, daer waren de Hooft-stucken in van de Ghev-nieerde Vorsten, sijn Excellentie dede met het grof Gheschut schieten door de huysen van het Dorp daer den Vyant in was, dat stoof ende de stucken van de huysen in de Loecht vloghen die inde huysen waren verlieten terstondt de plaetse ende retireerden haer naer haere groote Trouppen, die niet wijt van ons en waren.
Doen dede den Marquis Spinola noch d’andere ses stucken Gheschudt op den Berch brenghen, soo dat wy een heele Batterije van 12. stucken hadden, het was eenen lust om sien vanden Berch af in wat schoone Slachoorden den heelen Legher met de soldaten ende Ruyterije stont met allen de waghens, soo onse partije stonden wel twee uren stille op den Berch datse niet en wisten watse doen souden.
Onsen Legher en socht anders niet dan datse aen
